Festivalavis, to scener, gårdsdans og mange fete band er klare for Rock n’ LOL på Søteland.
Rock n’ LOL arrangerast for femte gong 15.-16. juli i sommar, og programmet til årets festival blir offentleggjort og komplett denne veka.
Tidlegare denne veka blei fire band med lokal forankring + eit band frå hovudstaden klar:
KingCalling – eit nytt og svært spanande band frå Os
Cockroach Agenda – Eggstockvinnarane frå i fjor
Bone Shakers – framadstormande, ekte søftelandsrock
Manheads – lokale heltar snart klare med debutalbum
Lukestar – Spelemannvinnarane frå 2008 er ute med nytt, fantastisk album
Torsdag blei da klart at Feilfødt frå Smestad, Oslo kjem. Knalltøff ”bajas-hardcore”, som dei sjølv kallar det.
Og i dag slepp vi dei to siste banda og seier oss svært nøgd med årets booking. Frå Stavanger kjem dei lovande metallkarane i Overthrow og siste band ut er bergensbandet Dig Deeper, melder Rock n’ LOL i ein pressemelding.
– Som om ikkje det er nok har vi nye oppgraderingar og forbetringar på gong. I fjor oppgraderte vi med ei svær scene og endå betre lyd. I år klinkar vi til med endå ei scene og presenterar det vi har vald å kalle ”Gardsdans”.
– For å auke kvaliteten på festivalen og årets 5-års jubile, og ikkje minst for publikum, legg vi opp til to scener med konsertar vekslande frå Hovudscena og Teltscena. Det blir med andre ord mogleg å sjå konsertar heile tida!
– Når kvelden nærmar seg slutten og siste band går av Hovudscena er det for nokon på tide å gå heim. For dei som vil fortsette den elleville festen lagar vi klart til ”Gardsdans” i teltet med den nye scena. DJ-ane Thomas Urv og Skatebård lokkar ut dei aller siste dansekreftane i deg og sørgjer for at du får dansa deg inn i natta!
– Vi har heilt nye nettsider klare for lansering innan veldig kort tid og i tillegg driv vi i desse dagar på med å ferdigstille vår heilt eigen festivalavis, som etter planen kjem ut i starten av juni, seier dei i pressemeldinga.
Rock n’ LOL 2011:
Ida Maria Kråkesølv
Fjorden Baby! Lukestar
Wolves Like Us Razika
Norma Sass Death By Unga Bunga
ORBO & the Longshots Neoplasma
Jeroan Drive Tôg
Dig Deeper Major Parkinson
Bone Shakers Manheads
Overthrow Cockroach Agenda
KingCalling Feilfødt
Dj Thomas Urv Dj Skatebård
Under ser du videoen til «Flying canoes» fra Lukestar:
NyttiOs.no 